Раил Шәмсуаров туйга чакыра

Күбебез Камал театры артисты Раил Шәмсуаровны белә. Ул 2008 елдан театрда эшли башлый һәм тамашачыларның мәхәббәтен яулый. Күп кенә спектакльләрдә катнаша, мәсәлән «Галиябану», «Әтәч менгән читәнгә», «Диләфрүз-Remake», «Миркәй белән Айсылу». Аның хатыны Зөлфия дә Камал театрында эшли. Аларның өйләнешкәннәренә 5 ел булган икән инде. Зөлфиянең инстаграмын күзәтеп барабыз, ул кызыклы пост урнаштырды. Анда Раил һәм Зөлфия исеменнән туйга чакыру төшерелгән. Без инде аптырап калдык, нәрсә булыр бу, Зөлфия үзе серне чишәргә ашыкмый, тиздән барысы да ачыкланыр дигән хэштег белән генә чикләнеп кала. «Әйтер сүзләр әле әйтелмәгән... Җырланмаган әле безнең җыр. P.s. 5 ел элек булган туебыз репетиция гына иде икән...», ‒ дип яза Зөлфия.

Түземсезлек белән көтәбез инде, нәрсә аңлата икән бу пост.

Гөлшат Хәлиуллина

Фото: гаилә архивыннан