Римма Ибраһимованы котлыйбыз!

Бүген Татарстан республикасының халык артисты, М.Җәлил исемендәге премия лауреаты, балаларының газиз әнисе һәм оныкларының яраткан дәү әнисе Римма Ибраһимова гомер бәйрәме – туган көнен билгеләп үтә.

Җырчының туган көне уңаеннан кызы һәм килене инстаграм социаль челтәре аша ихлас теләкләрен җиткерделәр. 

«Бүген бездә зур бәйрәм!!! Әниебезнең туган көне!!! Әни чын күңелебездән сине матур бәйрәмең белән котлыйбыз! Исәнлек-саулык, озын гомер! Гел шундый матур, сөйкемле, якты күңелле кеше булып кал! Сине яратып, балаларың, оныкларың, кода кодагыйрың котлыйбыз» – дип яза Ландыш Нигъмәтҗанова. 

Без дә барлык туган көн теләкләренә кушылабыз, сәламәтлек һәм сүнмәс иҗат дәрте телибез!