«Ришат сезгә тәкъдим ясар дип көткән идек »

Тамашачыларның җырчыларга һәрвакыт сораулары бар. Менә Алия Карачурина да шуларның берничәсенә җавап бирергә булган. Ришат турында сорамыйча калмыйлар инде, әлбәттә.

- Хәзерге вакытта сез кайда?

- Казанга кайтабыз.

- Нәрсә турында хыялланасыз? Хыялларыгыз күпме?

- Хыялланырга кирәк. Аларны тормышка ашыру өчен, алар күп булырга тиеш.

- Үз гаиләңне булдыру турында хыялланасыңмы? Ничә бала телисең?

- Бу сорауга күп тапкыр җавап бирдем инде. Бик телим. Алла бирса.

- Айгөл (ред. Айгөл ‒ Ришат Төхвәтуллинның бертуган сеңлесе) белән ничек таныштыгыз?

- 2015 елның җәендә, Карамалыдагы концерт вакытында.

- Тормыштагы иң зур ялгышың? Нәрсә өчен үкенәсең?

- Минемчә, берни өчен дә үкенергә ярамый. Без бит бар әйберне дә үзебез теләп башкарабыз. Син бу вакытта бәхетле булгансың икән, ни өчен соңыннан үкенергә.

- Без бик тә Ришат сезгә тәкъдим ясар дип көткән идек. Азат белән Гөлсирин кебек.

- Күбрәк көткән саен, дөрес җирдә көтмәгәнеңне аңлыйсың.