Ришат Төхвәтуллинның яраткан кызы билгеле булды

Җырчы Ришат Төхвәтуллин концерт сезоны алдыннан ял итеп алырга булган, ул хәзерге вакытта Төркиядә ял итә. Инстаграм аккаунтыннан без җырчының хәлләрен белеп торабыз. Ул язылучыларыннан бирем сорады. Берсе җырчыга ошатып йөргән кызының исемен комда язырга кушты. Ришат аптырап калмады, бик языр идем дә, ләкин монда ком юк шул, таш кына, дип җавап бирде. Шулай да алар язылучының биремен үтәделәр һәм ташлы комда ап-ачык итеп «Алия» исеме барлыкка килде.

Хәзер Ришатның фанатлары бу Алиянең кем икәне турында баш вата инде, барысы да Карачурина турында уйлаганнардыр мөгаен. Ә җырчы үзе бу хакта сүз кузгатмады.