Рәссам-хаттат Нәҗип Нәккашның күргәзмәсе ачылды

 Казанның "Хәзинә" милли галерея дә "Гарәби матур язу сәнгате"дигән калиграфия остасы, рәссам-хаттат Нәҗип Нәккашның күргәзмәсе ачылды. Нәҗип әфәнде татар дөньясының абруйлы шәхесе, дөнья мәйданнарында татар халкын югары сәнгатьле, гыйлемле икәнлеген мәңгеләштерүче галим. Казан кооператив институтының Дәрдемәнд исемендәге Татар мәдәнияте үзәге диварларын Нәҗип Исмәгыйлевның картиналары бизи. Ел саен   республика күләмендә уздырыла торган "Шәҗәрәм" конкурсының жюри рәисе дә. Без татар зыялысы белән аралаша алуыбызга горурланабыз. Хезмәтләре өчен аңа рәхмәтлебез! Күргәзмә ачылу тантанасында Казан кооператив институтының Дәрдемәнд исемендәге Татар мәдәнияте үзәге җитәкчесе Флюра Абдуллина Россия кооперациясе университеты ректоры, Татарстан Дәүләт Советының "Мәрхәмәт-Милосердие" хатын-кыз депутатлары берләшмәсе рәисе Алсу Нәбиева исеменнән котлау сүзләрен җиткерде.
Чарада теләкләр, чәчәк бәйләмнәре тапшырылды.Татар моңнары яңгырады.Төрле буын вәкилләре Нәҗип Нәккаш белән фотога төшергә ашыкты.

Фото: Нәҗип Нәккашның шәхси архивыннан