«Күпләр миңа ышанмады, ләкин мин моны эшләдем!»

Рөстәм Нәбиев Гималай тауларында урнашкан Манаслу тавының иң биек ноктасына кулларында менгән. Әлеге шатлыгы белән Рөстәм инстаграм сәхифәсендә уртаклашты.

2021 елның 2 октябрендә 10:00 сәгатьтә Рөстәм Манаслуның иң биек ноктасына менгән. Тауның биеклеге – 8163 метр.

«Күпләр миңа ышанмады, ләкин мин моны эшләдем!

Альпинизм тарихында мин яңа бит яздым: дөньяда беренче булып 8 мең метрлы тауга кулларымда күтәрелдем», – дип яза ул.

Тауга күтәрелүен блогер 28 ел элек бакыйлыкка күчкән әниесенә багышлады.

Фото: @rustam_nabiev92