Рөстәм Нәбиевның хатыныннан үч алалар...

Рөстәм Нәбиев өйдә югында хатыны Индираның өр-яңа машинасына һөҗүм иткәннәр.  Бу аларның фатирыннан “өстә” яшәүче күрше икән. Индира социаль челтәрдәге сторисларында сөйләп үткәнчә, бу күрше инде 3 ел дәвамында Нәбиевларның тынычлыгын боза. Я балалары шаулый дип, полиция чакырта, ә менә бүген исә машинага йомырка бәреп киткән. “Ирем өйдә юклыктан файдалана”, – ди Индира. Белгәнегезчә, казарма ишелү вакытында җимерекләр астында калып, ике аягын югалткан Рөстәм Нәбиев хәзерге вакытта чираттагы хыялын тормышка ашыра: ул Аконкагуа тавының иң югары ноктасын яуларга китте.Тауга күтәрелү 10-12 көн вакытны ала икән. Индирага Рөстәмнең хәлләрен сорап бик күп сораулар килә. “Аның хәлен беркем белми, әле элемтәгә чыкмады, әле алар бишенче көн генә юлда. Шуңа күрә, борчылырга иртә”, – ди Индира. Ә күршесенең бу хикмәтләре тагын кабатланса, “мин сине бөтен Россиягә фаш итәм”, – ди ике баласы белән өйдә утыручы Индира.