«Русланны көнләштерәсеңме?»

Илмира Нәгыймова соңгы фотосессиясеннән фотолар куя башлагач, бер-бер артлы комменарийлар «яуды». Кемгәдер күлмәгенең артык кыска булуы ошамаган, «сиңа озын күлмәкләр килешә», «бер дә килешми, сез кыз бала түгел», «иренне кабартсаң, кашны каралтсаң, керфекңне зурайтсаң, маймыл да матур була» дип сызгалаучылар шактый. «Артист шундый булырга тиеш, без сезгә карап сокланабыз» диючеләр дә бар. Илмира «котырта» белгән, башкалары шул кармакка капкан. Иң гаҗәпләндергәне – «бу тормыш алып бара торган кеше түгел инде» дип язганнар. Киемгә карап мондый сыйфатлама да биреп буламы ул? Ничек уйлыйсыз?