Өшү билгеләре булган ике олы кешене һәм баланы хастаханәгә алып китәләр.

Казан, 30 апрель, “Татар-информ”). 29 апрель кичендә Дим елгасында дүрт пассажир утырган, ике кешелек резин көймә елгага каплана. Зыян күрүчеләр арасында ике яшьлек бала да булган. Бу хакта Уфаның Дим районы буенча мәгълүмати-аналитик бүлеге хәбәр итә, дип яза “Башинформ” агентлыгы.

Бәхеткә, суга капланган көймәне Дим урманчылыгында яшәүче Игорь Попов күреп ала. Ир-ат зыян күрүчеләргә судан чыгарга ярдәм итә һәм “Ашыгыч ярдәм” чакыра. Өшү билгеләре булган ике олы кешене һәм баланы хастаханәгә алып китәләр. Табиблар аларның хәлен кәнәгатьләнерлек, дип бәяли.

фото: https://www.google.ru/search?q=река+Дим+фото&newwindow=

татар-информ