Шагыйрь Әмир Мәхмүтов вафат

(Казан, 21 май, «Татар-информ»). Шагыйрь, филология фәннәре докторы Әмир Гөбәй улы Мәхмүтов вафат. Бу хакта Татарстан Язучылар берлеге матбугат хезмәте хәбәр итә.

• Әмир Мәхмүтов 1947 елның 28 июнендә Башкортстанның Әлшәй районы Габдрәшит авылында туган. Урта мәктәптән соң Бөре педагогика институтын, Мәскәүнең Н.К.Крупская исемендәге педагогика институтының эстетика кафедрасы аспирантурасын тәмамлый. Казан дәүләт педагогика институты доценты, Г.Ибраһимов исемендәге Тел, Әдәбият, Тарих институтында хезмәт итә. Шигърияткә 60 нчы елларда килә.

Мәрхүм белән хушлашу бүген, 21 майда, 16.00 сәгатьтә Казан, Татарстан урамы 7нче йорт (1нче подъезд) адресы буенча булачак.

Шагыйрьне туган авылы Габдрәшиткә алып кайтып җирләячәкләр. 

татар-информ