Шәһәр транспортында мәхшәр. Кайнар линия эшли...

Татарстанда җәмәгать транспортында  йөрү өчен  QR-код алу мәсьәләсе буенча кайнар линия эшли башлады. Консультацияне ведомствоның Республика медицина мәгълүмати-аналитик үзәге базасында ачтылар. Шалтыратулар +7(919) 693-05-43 телефоны буенча кабул ителә.

Бүген иртән пассажирларның җәнҗал куптаруы аркасында, шәһәрдә  берничә автобус һәм трамвай туктап калды. Моннан тыш, QR-кодлар булмау сәбәпле, 500ләп кешене төшереп калдырырга мәҗбүр булдылар.

Исегезгә төшерәбез, 22 ноябрьдән Татарстан территориясендә эшли торган барлык җәмәгать транспортында QR-код системасы кертелде.