«Сөйлисем килә, әмма ярамый, күз тия»

Популяр җырчы Гөлназ Асаева инстаграм социаль челтәренә урнаштырган видео күпләрдә кызыксыну уятты.  Видеоязмада ачыктан-ачык «Мин сине яратам! Чык миңа кияүгә», дип язылган.

Әле алай гына да түгел, моннан бер атна элек Гөлназ язмасында: «Сөйлисем килә, әмма ярамый, күз тия. Тиздән яңалыкны сезгә дә сөйләрмен. Сез шаккатачаксыз!» – дип язган иде. Бу сүзләр дә шактый кызыксыну уятты, билгеле.

Чираттагы пиармы бу, әллә инде җырчы чыннан да кияүгә чыгарга җыенамы? Тиздән белербез.