Таңсылуны туган көне белән котлыйбыз!

Бүген Ләйсән Гимаева һәм Булат Бәйрәмовның кызлары Таңсылуның туган көне икән. Аны чын күңелдән котлыйбыз! Әнисе дә кызына матур котлау сүзләре язган инстаграмда: «Кызым, күз нурым, туган көнең белән, сабыем, син миңа һаман да шул бәләкәй «Тату-пату» менә 13 ел инде син безне сөендереп, көлдереп, шатландырып яшисең. Рәхмәт Ходаема, сине биргәне өчен! Терәгебез, таянычыбыз син безнең! Апаеңнарга (сеңелләреңә) үрнәк, киңәшче бул. Син туган елны да нәкъ бүгенгедәй кояшлы, салкын иртә иде. Бик елак булдың. Шуңа күрә дә тавышың ачылгандыр. Максатыңа бар, туктама, авырлыклар булыр ‒ бирешмә, хыялыңны тормышка ашырырга тырыш, без Әтиең белән гел яныңда булырбыз, алла бирсә. Сиңа, олы бала булганга күбрәк эләгэ инде, ләкин бернигә карамастан, без сине бик нык яратабыз, шуны бел. Туган көнең белән, Кызым»!

Автор: Гөлшат Хәлиуллина

Фото: @leisan_gimaeva_official