«Татар-башкорт халкының горурлыгы»: Ришат Төхвәтуллин хакында тамашачы нинди фикердә?

Бүгенге көндә Ришат Төхвәтуллин татар эстрадасының иң яратылган артисты диеп әйтсәк алдамасбыз, мөгаен. Шул хәтле тырыш, моңлы тавышлы Ришатны яратмыйча ничек була инде ул?

Ришат, үзен хөрмәт иткән һәр артист кебек үк, тамашачысыннан концертлар хакында фикерләре белән кызыксына. «Тамашачылар фикере безнең өчен һәрчак мөһим», – дип язган ул соңгы постында.

Күптән түгел җырчы үз командасы белән Мәскәүдә концертлар уздырып кайтты. Биредә алар тамашачы фикерен белү мөмкинлеген кулдан ычкындырмаганнар. Әлбәттә, алар җырчы турында бары тик җылы сүз генә әйтә ала. Берәүләр аны Илһам Шакиров белән, икенчеләр Хәйдәр Бигичев белән чагыштырдылар.

Мондый классиклар белән бер рәттән кую тамашачы Ришатны зур бәяли дигән сүз. «Ришат, син татар-башкорт халкының горурлыгы. Сине тыңлап юанабыз, моңланабыз; шуның хәтле хезмәт сөючән булуына сокланабыз», – ди артистның иҗатын яратучыларның берсе.

Автор: Г. Вәлиева

Фото/видео: Инстаграм @rishat_thv

Посмотреть эту публикацию в Instagram

Тамашачылар фикере безнең өчен һәрчак мөһим! Мәскәүләрем, рәхмәт сезгә җылы сүзләрегез өчен! Сезнең ышанычны акларга тырышырмын!~~~~~~~~~~~~~~~~~~~~~ Мнение зрителя нам очень важно. Дорогие москвичи, спасибо за приятные отзывы. Я постараюсь оправдать ваше доверие!#ришаттухватуллин #rtgroup

Публикация от Rishat Tukhvatullin ? (@rishat_thv) 15 Окт 2019 в 9:32 PDT