"Татар кызы-2018" Халыкара конкурсының финалы узачак көн билгеле

 "Татар кызы-2018" Халыкара бәйгесенең финал өлеше 6 октябрь көнне Казанның "Татнефть Арена" Боз сараенда узачак. Бу хакта бәйгенең яңа проекты - видео блогында хәбәр ителә. 

• Быел бәйгенең сайлап алу этабы Россиянең 30 төбәгендә, Казахстан һәм Венгриядә уздырыла. Анда җиңүчеләр финалга юллама ала. Туташлар, 5 мең тамашачы каршында чыгыш ясап, үзләренең татар телен, мәдәниятен, тарихын белүләрен, иҗади сәләтләрен жюрига күрсәтергә тиеш була.

Гүзәллек һәм сәләтлелек Халыкара конкурсында Татарстан данын Балтачтан Гүзәл Габдрахманова яклаячак.

татар-информ