Татарстан Республикасы Милли музее Казанда мәктәп музейларының эшчәнлеге буенча семинар уздыра

Түгәрәк өстәл барышында музейларның рухи һәм патриотик тәрбиясе,  туган телнең киң кулланышы, аның ролен көчәйтүдә мәктәп музейларының активлашуы, һөнәри юнәлеш бирүдә булган ярдәмен үстерү, яшь экскурсоводлар әзерләү, киләчәктә телевидениегә яңа проект тәкъдим итү, фәнни конференция үткәрү һәм башка файдалы чаралар, актуаль мәсьәләләр турында фикер алышу булачак. Киләчәккә перспектив план һәм нәтиҗәле эш юнәлеше, мәктәп музейларының ассоциациясен булдыру бурычлары куела.

Татарстан Республикасының Милли музее мәктәп музейларының эшен координацияләүне һәм файдалы хезмәттәшлек алып баруны үз бурычы итеп куя. Мәктәп музейларына методик ярдәм күрсәтү, бердәм чаралар үткәрү, туган телне үстерү, туган як тарихын өйрәнү, гореф-гадәтләрне саклау, шулай ук һөнәри белем бирү эшен үз эченә алган хезмәттәшлек туган телебезне саклауда тагын да файдалы бер эш ысулы булачак. Актив хезмәттәшлек туган илгә мәхәббәт хисен тәрбияләүдә, төбәк тарихын өйрәнүдә, кулланышта татар теленең ролен тагын да көчәйтүгә ярдәм итәчәк һәм музейларга тагын да якынырак булу мөмкинлеге.