Тинчурин театры бинасына - 175

Әлеге язмада К. Тинчурин театры бинасының формалашу тарихына күзәтү ясыйбыз. Ул берничә чорга бүленә.

Булып узган реконструкциядән соң, К.Тинчурин исемендәге театр бинасы (Горький урамы, 13) үзенең затлы интерьеры, залларның һәм гомумән һәрбер почмакның яңа бизәкләре белән сөендерә. Театр искиткеч бәллүр люстралардан, кызыл келәмнәр җәелгән мәрмәр баскычлардан, зур көзгеләрдән, күргәзмә залындагы мәһабәт колонналардан гыйбарәт затлы заллардан тора.