Тукайның 140 еллыгына багышланган бәйге узачак

Бәйгенең төп максаты: балаларда бөек шагыйрь Г.Тукайга, аның иҗатына карата горурлык һәм ихтирам хисләре тәрбияләү; укучы яшьләрне татар поэзиясе дөньясына, милли мәдәният кыйммәтләренә җәлеп итү; сәнгатьле уку осталыгын, артистлык сәләтләрен үстерү.

Бәйгедә катнашу өчен Татарстан Республикасының барлык төр һәм типтагы белем бирү оешмаларының 1-11 нче сыйныф укучылары чакырыла.

Яшь төркемнәре:

1 нче яшь төркеме – 1-4 нче сыйныф укучылары;

2 нче яшь төркеме – 5-6 нчы сыйныф укучылары;

3 нче яшь төркеме – 7-8 нче сыйныф укучылары;

4 нче яшь төркеме – 9-11 нче сыйныф укучылары;

5 нче яшь төркеме – 18 яшьтән 35 яшькә кадәрге өлкәннәр.

Бәйге номинацияләре

– шигырьне индивидуаль башкару;

– шигырьне күмәк башкару (5 кешедән артмаска тиеш).

Бәйге 2026 елның 23 мартыннан 13 апреленә кадәр үткәрелә.

Бәйге 2 этаптан тора:

I нче этап – гаризалар һәм конкурс чыгышларын кабул итү (2026 елның 23 мартыннан 13 апреленә кадәр);

II нче этап – иң яхшы нәфис сүз осталарын билгеләү (2026 елның 25 апреле).

Бүләкләү тантанасы 2026 елның 25 апрелендә 12:00 сәгатьтә «Шарык клубы»нда узачак. Адрес: Татарстан ур., 8 нче йорт.

Бөтен шартлар белән дә Шәрык Клубының социаль челтәрләрендә таныша аласыз. 

Фото – Риф Якупов