Яңа филармония!

29 сентябрьдә «Чулпан» мәдәният үзәгендә Казан шәһәр филармониясенең Икенче филармоник сезоны ачылышы уңаеннан «Яңа филармония» концерты узды.

Элек «Казан» милли мәдәни үзәгендә урнашкан шәһәр филармониясе 2020 елда яңа бинага күчте. Казан шәһәр филармониясенең сәнгать җитәкчесе итеп «Казан» бию ансамбле җитәкчесе, Татарстанның халык артисты Чулпан Закирова билгеләнде. Бүген филармония коллективында Татарстанның халык артистлары, яшь җырчылар, «Казан» бию ансамбле һәм «Казан нуры» оркестры эшләп килә.

«Чулпан» мәдәният үзәге филармониянең үзенчәлекле һәм бай программасын тормышка ашыру өчен менә дигән мәйданчык булып тора.