Зур югалту

9 июльдә, Казанда Россия фоторәссамнар һәм Журналистлар союзы әгъзасы, Казан фотография мәктәбенә нигез салучыларның берсе Юрий Филимонов 77 яшендә вафат булды. Бу хакта аның дусты Эд Хак үзенең Facebook аккаунтында хәбәр итте.

“Кичә хезмәттәшебез, фотограф, сәяхәтче, яхшы һәм ярдәмчел дус, кайгыртучан гаилә башлыгы Юрий Геннадьевич Филимонов вафат булды”, - диелгән хәбәрдә.

Мәрхүмне соңгы юлга озату 12 июльдә, 10:00 сәгатьтә, Королев урамы 67нче йорт адресы буенча узачак. Фотограф белән хушлашу шәһәр хосписында булачак.

Фото: соцсети

татар-информ