«Нәүрүз» форумы яңалыклары

Бүген форумның соңгы көне. Режиccерлык осталыгы, актерлык осталыгы һәм театр тәнкыйте секцияләрендә соңгы семинарлар, тренинглар уза. Театр тәнкыйте секциясендә катнашучылар бүген Э.Някрошюсның «Идиот» (Ф.Достоевский) спектакленә язылган рецензияләрен тапшырачак. Шулай ук «Хан кызы Турандык» (К.Гоцци) спектакле турында фикер алышу булачак.

Кичке җидедә Камал театры сәхнәсендә «Зәңгәр шәл» (К.Тинчурин) уйналачак. Бу спектакль белән театр сезонын яба. Спектакльдән соң «Нәүрүз» фестиваль-форумының ябылу тантанасы булачак.