Танылган актёр дәваханәгә эләккән?

Шушы көннәрдә төрле Telegram-каналларында билгеле актёр, Беренче каналның «Доброе утро» тапшыруын алып баручы Борис Щербаковны бронхит диагнозы белән дәваханәгә салганнар дигән хәбәрләр таралды.

Әмма актёрның улы бу имеш-мимешләрне кире какты. Щербаковның улы сүзләренчә, әтисе әлеге вакытта дачада һәм үзен яхшы хис итә.

Чыганаклар язуынча, артист ютәлдән һәм тын кысудан җәфаланган, әмма бу мәгълүматлар дөрескә туры килмәгән. Василий Щербаков әтисе белән телефон аша элемтәдә булуын әйтте.

Чыганак: Өмет