2018 елның беренче сабан туе кайда узачагы билгеле

(Казан, 25 февраль, "Татар-информ"). 2018 елның беренче сабан туен АКШның Флорида штатында яшәүче татарлар оештырачак. Алар милли бәйрәмгә видеочакыруны социаль челтәрләрдә тарата башладылар. 

Видеомөрәҗәгатьне хәзерге вакытта АКШта гомер итүче эшмәкәр, баянчы, тумышы белән Башкортстаннан булган Илмир Әхмәтҗанов яздырган. Видеороликтан аңлашылганча, сабан туе 31 март көнне Майами шәһәрендә узачак. "Бу җир шарының иң беренче сабан туе", - ди Әхмәтҗанов.

татар-информ

Фото: архив/Регина Хабибуллина