«365 көн догада»

Татарстан мөфтиятенең «Хозур» нәшрият йорты татар телендә «365 көн догада» дип исемләнгән китап әзерләп бастырды.

Әлеге басмада тормышыбызның һәр очрагына кагылышлы булган догалар тәкъдим ителә. Биредә дога кылу әдәпләре, шартлары, тәртипләре белән танышырга мөмкин. Бу турыда Татарстан Диния нәзарәтенең матбугат хезмәте хәбәр итте.

Шулай ук китапта зикерләр, салаватлар, мөбарәк кичәләрдә, айларда кылына торган догалар һәм Коръән укыгач багышлый торган догалар да урын алган.

Һәр дога укылышы һәм тәрҗемәсе белән гарәп телендә китерелә. Хезмәт тормышыбызны догалы итүдә сәбәпче булыр һәм һәркем өчен файдалы чыганакка әверелер дип өметләнәбез, диелә хәбәрдә.

Татар информ.