53 мең балага прививка ясалмаган

Быел Татарстанда 53 мең баланың әти-әнисе йогышлы авырулардан ясала торган прививкадан баш тарткан (бу сан 2017 ел белән туры килә). Моның турында 19 сентябрь көнне «Татар-информ» агентлыгында узган пресс-конференциядә Татарстан Республикасы буенча «Роспотребнадзор» Идарәсе җитәкчесе урынбасары Любовь Авдонина хәбәр итте. Шулай ук ул былтыр прививкасы ясалмаган 147 бала коклюш дигән инфекция белән авыртуын әйтте. Шуларның һәрбер өченчесенең әти-әнисе мондый прививканы баласына кирәге чыкмас дип санаган. «Баласына прививка ясатмаган ата-ана аның сәламәтлегенә зур зыян салырга мөмкин», - дип кисәтте Любовь Геннадьевна.

Фото 16.rospotrebnadzor.ru