55 мең казанлы гомумшәһәр өмәсендә катнашты

(Казан шәһәре KZN.RU, 7-нче май, Алсу Сафина). Казанда 5 майда үткән гомумшәһәр өмәсендә 1,5 меңнән артык предприятие һәм 55 мең кеше катнашты, 400 берәмлек техника эшләде, дип хәбәр итте бүген эшлекле дүшәмбедә Башкарма комитет җитәкчесе урынбасары – Тышкы төзекләндерү комитеты рәисе Игорь Куляжев.

Ул сөйләгәнчә, өмә барышында шәһәрнең 75 җәмәгать территориясе чистартылды. Мәктәп укучылары, урта һәм югары ук йортлары студентлары, предприятиеләр, оешмалар хезмәткәрләре, районнар администрацияләре, Башкарма комитет, шәһәр Думасы, министрлыклар һәм ведомстволар вәкилләре урман-паркларны, яшел зоналарны, яр буйларын, бакчаларны, парк һәм скверларны чистартыллар. Төзекләндерү өлкәсендә эшләгән предприятиеләр, идарә итүче компанияләр хезмәткәрләре урамнарны, газоннарны, ишегалларын чистартты.

Чүп полигоннарына 10,5 мең куб.м чүп чыгарылды – гадәти көннәргә караганда 25 процентка артык. Быелгы өмәнең үзенчәлеге чүпне аерып җыю булды.

Өмәдә актив катнашкан оешмалар арасында И.Куляжев Казан мотор төзелеше җитештерү берләшмәсен, Горбунов ис. Казан авиация заводын, “Эдельвейс”, КФУ, “Радиоэлектроника” АҖ, “Казанкомпрессормаш” ААҖ, Казаноргсинтезны билгеләп үтте.

“Актив шәһәрлеләргә, предприятиеләргә, югары ук йортларына, бизнес вәкилләренә, биналар хуҗаларына өмәдә катнашучылары өчен рәхмәтемне белдерәм. Шәһәребез чисталыгы – безнең кулда”, - диде Казан Мэры Илсур Метшин.

www.kzn.ru

Иң мөһим һәм кызыклы язмаларны Татмедиа Telegram-каналында укыгыз


Ошый
649
0
0
Комментарийлар (0)
Cимвол калды:
Хаҗга юллама бүләк ителә!
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
22 март 2023 - 15:43
180
0
0
Җәббаров премияле булды!
17 март 2023 - 09:26
571
0
0
Хаҗга юллама бүләк ителә!
16 март 2023 - 13:36
589
0
0
"Апуш"ка кастинг!
14 март 2023 - 13:42
566
0
0
Кем бу?
9 март 2023 - 11:49
1062
0
0
"Апуш"та туган көн!
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы