99 процент ятак авыру балалар белән тулы!

Татарстан хастаханәләрендә коронавирус белән авыручы балалар өчен каралган урыннарның 99 проценты буш түгел! Бу хакта республиканың баш иммунологы Дмитрий Лопушов хәбәр итте. Татарстанда ковид белән зарарланган балаларны ачыклау дәвам итә. Барлыгы 5 мең 170 бала авырган, шуларның 4 мең 847се  амбулатор шартларда дәвалана. 385 урынның 380е буш түгел. Өлкәннәр өчен каралган койкаларның бары  278 е буш. Бүген мәктәпләрдә иртәнге фильтрдан 553 бала кире борылган. 96 мәктәптә кайбер класслар читтән торып укый.

Фото Югра про