Айдар Сөләйманов җырларына тавыш бирү бара
(Казан, 5 февраль, «Татар-информ», Рузилә Мөхәммәтова). Татар җырчысы, Татарстанның атказанган артисты Айдар Сөләйманов Якутиядә уздырыла торган «Биир кун -2018» конкурсында Татарстанны тәкъдим итә һә...
(Казан, 5 февраль, «Татар-информ», Рузилә Мөхәммәтова). Татар җырчысы, Татарстанның атказанган артисты Айдар Сөләйманов Якутиядә уздырыла торган «Биир кун -2018» конкурсында Татарстанны тәкъдим итә һәм хәзерге вакытта катнашучыларга тавыш бирү бара.
“Мине конкурска Татарстан Мәдәният министрлыгы җибәрде. 17 февральдә конкурсның финалы була. Җырчыларны төрле регионнардан килгән жюри бәяләячәк һәм тавыш бирү этабына да нәтиҗә ясалачак, – диде Айдар Сөләйманов “Татар-информ” хәбәрчесенә. – Татарстаннан жюри әгъзасы – композитор Эльмир Низамов”.
“Конкурс шартлары буенча, бөтен җыр туган телдә башкарыла. Мин ике халык җыры һәм композитор әсәрләре сайладым”, – ди Айдар Сөйләйманов. Болар – “Илче Бага” һәм “Рәйхан” халык җырлары, Ренат Харис белән Резеда Әхиярованың “Зәңгәр томан”, Ренат Харис белән Эльмир Низамовның “Атлар чаба” җырлары. “Атлар чаба” – “Төрквидениедә” икенче урын алган җыр, “Илче бага” – “Үзгәреш җиле – 2016”да тәкъдим ителгән иде.
«Биир кун» («Под одним солнцем») – I регионара интерактив этно-поп жанрындагы заманча җыр конкурсы. Якутиядә уздырыла. Конкурста Россиянең 11 регионы – Алтай Республикасы, Башкортстан, Бурятия, Татарстан, Удмуртия, Чувашия, Кырым Республикасы, Чукотка, Тыва, Ямал-Ненец автономияле округы һәм Саха (Якутия) Республикасыннан 11 җырчы катнаша.
Айдар Сөләйманов 8 нче номер белән билгеләнгән. Җырчыга тавыш бирү өчен 5577 номерына Шоу 8 дип смс җибәрергә кирәк. Смсның саны чикләүләрсез.
Следите за самым важным и интересным в Telegram-каналеТатмедиа
-
«Кеше китә - җыры кала»
-
«Хәрәкәттә-бәрәкәт» проектының 5 нче сезонына старт бирелде!
-
«Хәрәкәттә-бәрәкәт! Кил – бездә бик рәхәт!»
-
«Алмаш» гаилә җыены тәүге тапкыр оештырылды
-
Кариев театрында «Позывной Татарин» спектакле премьерасы узды
-
Камал театрының тарихи бинасында «Кайтаваз. Илһам Шакиров» концерты
-
Каюм Насыйри музеенда затлы чара узды
-
Татарстан Язучылар берлегендә «Әдәби галәм» лекцияләр циклына старт бирелде
Комментарий юк