"Алтын битлек" премиясенең җюри әгъзаләре Камал театры спектаклен карады

Кичә, 15 гыйнварда, Г.Камал исемендәге Татар дәүләт Академия театры Россиянең Малый дәүләт академия театры сәхнәсендә (Мәскәү ш.) Г.Исхакый әсәрләре буенча Айдар Җаббаров сәхнәләштергән "Тормышмы бу?.." спектаклен тәкъдим итте. Тамашачылар арасында "Алтын битлек" премиясенең жюри әгъзалары да бар иде, чөнки спектакль премияның конкурс программасы кысаларында күрсәтелде. Спектакль, шулай ук, Мәскәү матбугат чапаларында да зур кызыксыну уятты - спектакльгә 30дан артык тәнкыйтьче һәм журналистлар килгән иде. 

Исегезгә төшерәбез, "Тормышмы бу?.." спектакле "Алтын битлек" премиясенә 6 номинациягә үтте. 16 апрельдә Мәскәүдә Большой театрның Тарихи сәхнәсендә "Алтын Битлек" премияләрен тапшыру тантанасы үтә. 

Чыганак: kamalteatr.ru