Америкада яшәүче Айгөл Гыймранова "Кызыклы әңгәмәдәш" тапшыруын төшерә башлаган

(Казан, 16 май, "Татар-информ"). Лос-Анджелес шәһәрендә яшәүче милләттәшебез Айгөл Гыймранова-Леон "Кызыклы әңгәмәдәш" дип исемләнгән тапшыру эшләгән. Аны "Youtube" каналыннан  карарга мөмкин. 

Тапшыруның беренче кунагы - Америкадан Башкортстан Сабан туена кунакка килгән Андрей Дринфельд. Ул үзлегеннән башта башкорт, аннан татар телен өйрәнгән. 

• Айгөл Гыймранова - АКШта яшәп иҗат итүче журналист. Шулай ук ул "Курай" радиосында Алтынай псевдонимы белән чыгыш ясый иде. Хәзер яның язмаларын "Шәһри Казан", "Ватаным Татарстан", "Татарстан яшьләре" һәм башка төрле матбугат чараларында күрергә мөмкин. 

татар-информ