Бәширә Насыйрова ханнар нәселеннән
Җырчы Бәширә Насыйрова эстрадага көтмәгәндә үзенең моңлы тавышы белән килеп керде, ләкин аның ханнар нәселеннән булуын белүче аздыр. Унсигезенче гасырда Әлмәткә нигез салучы Әлмөхәммәт Бикчурин Бәшир...
Җырчы Бәширә Насыйрова эстрадага көтмәгәндә үзенең моңлы тавышы белән килеп керде, ләкин аның ханнар нәселеннән булуын белүче аздыр.
Унсигезенче гасырда Әлмәткә нигез салучы Әлмөхәммәт Бикчурин Бәширә Насыйрованың җиденче буын бабасы икән. Шәҗәрәләре Бикчурин хан нәселенә барып тоташа. Бу буын кешеләре бүгенге көндә дә күп, шулай ук Бикчурин фамилиясен йөртүчеләр дә хәйран. Алар арасында мәгърифәтче Ризаэддин Фәхреддин, мәгърифәтче язучы Батырша, аның укытучысы Габдрахман әл-Тугайсани шулай ук Бикчуриннар нәселеннән, Бәширә Насыйрова җиденче буын вәкиле булып чыга. Димәк, ул ханнар нәселеннән булып чыга инде. Бу хакта Әлмәт халкы бик яхшы белә икән, Бикчуриннар нәселе турында төрле китаплар да бастырып чыгарганнар.
Бәширә Насыйрованың бабалары дин әһелләре булган, шәкертләр укытканнар. Бүгенге көндә туганнары арасында педагоглар күп, педагоглар династиясе дип әйтергә була. Бәширә Насыйрованың әтисе дә укытучы булган, аны авылга укытучы итеп җибәргәч, ул анда бер кызга гашыйк булып шунда төпләнеп калган. Аларның танышу тарихы да кызыклы булган. Әтисе укытучы булып килгән авылда җыеннар уза торган булган, шунда ул мандолинада уйнап баритон тавышлары белән җырлап җибәргән. Бу җырчы егетне күрүргә бөтен авыл халкы җыелган, Бәширә апаның әнисе дә халык арасында булган, ул җырлаучы егетне бер күрүдән ошаткан, алга таба гаилә корып яши башлаганнар.
Автор: Г.Хәлиуллина
Следите за самым важным и интересным в Telegram-каналеТатмедиа
-
«Чулпан» мәдәният үзәгендә «Ак калфак» оешмасы концерты узды
-
«Нина и хлебные карточки»: укучыларны уйга калдырган премьера
-
Тукай премиясенә кемнәр лаек яки премиягә кандидатлар турындагы матбугат конференциясендә 2025 ел кандидатлары турында сөйләшмәү
-
Камал театрының яңа бинасында «Камал кичләре» узды
-
«Төзәтмәгән әйбер өстендә яңа нигез тудырып булмый». Түбән Кама театрының баш режиссёры Лилия Әхмәтова «Борһан йорты» спектаклен икенче тапкыр куя
-
Чаллы театры актрисасы Чулпан Арсланова Татарстанның атказанган артисты исеменә лаек булды!
-
«Слушай мои позывные», «Просто жить»: Ватанны саклаучылар елы һәм Бөек Җиңүнең 80 еллыгына Казан Яшь тамашачы театрында тагын нинди премьералар көтелә?
-
Сәйдәшев исемендәге концерт залында Чайковский һәм Штраус көйләре яңгырады!
Комментарий юк