Бармак уеннары

Бу бармак – бабай,

Бу бармак – әби,

Бу бармак – әти,

Бу бармак – әни,

Бу бармак – бәби,

Аның исеме – чәнти.

***

– Бармак, бармак,

Кайда булдың?

– Бу абый белән

Урманга бардым.

Бу абый белән

Кырда йөгердем.

Бу абый белән

Ботка ашадым.

Бу энем белән

Җыр җырладым.

Олыга – утын ярырга,

Ә сиңа – чыгып алырга,

Уртага – мичкә ягарга,

Ә сиңа – казан асарга,

Чәнтигә – җырлый башларга,

Дусларның күңелен ачарга.

Йодрыклар

Йодрыкны без ачабыз,

Ә аннары ябабыз.

Ачабыз, ябабыз,

Ябабыз да ачабыз.

Ачып-ябып уйнап туйгач,

Чәбәк-чәбәк уйныйбыз.

***

Карга килде – казан асты,

Торна килде – тоз салды,

Саескан килде – салма салды

Күгәрчен килде – куп ашады,

Аккош килде – туймый калды,

Кетер-кетер, казан төбен кимерер.

***

Без кәбестә турыйбыз,

Кишерен дә уабыз,

Тозларны да сибәбез,

Кәбестәне кысабыз.