Бер дә зур фаҗига булыр кебек түгел иде...

Мари Элдагы Яльчик күлендә гаиләсе белән Дилә Нигъмәтуллина да булган. Ире Илсур һәм кызы Сәфинә зур нарат кәүсәсен кочаклап кына исән калганнар. “Көчле давыл башлануга минекеләр палаткадан чыгып өлгергән, алар сынып ауган агачларга карап, нарат кочаклап, ышыкланып торган”, ди Дилә. Ә агач төшеп һәлак булган гаилә күршедә генә яшәгән.

“Туганнар Яльчикка ял итәргә чакыру белән ике дә уйлап тормадык – җыендык та киттек. Мин икенче көнне иртән торып Киров өлкәсенә киттем. Ә гаиләм, туганнарым кичкә кадәр шунда калдылар. Бер дә зур фаҗига булыр кебек түгел иде. Кичкә көчле җил башланган, шуннан кинәт бөтен дөнья тынып, кояш чыккан. Бервакыт кинәт көчле генә давыл чыккан. Кайберәүләр палаткаларыннан чыгып юлга таба йөгергән.  Минекеләр, юан наратны кочаклап, чарасызлыктан ни эшләргә белми шунда калган. Мин килеп җиткәндә бөтен балалар куркудан калтырап беткән иде. Сәфинә хәтта тавышына зыян китергән. Аллаһка шөкер, алар исән. Бу көн мәңге хәтердә калачак” ди Дилә.

Менә ул юан нарат агачы.