Бүген Бөтендөнья татар конгрессы җыйган гуманитар ярдәм Курган өлкәсендә янгында зыян күргән Йолдыз (Эчкен) авылына барып җитте

Бүген Бөтендөнья татар конгрессы җыйган гуманитар ярдәм Курган өлкәсендә янгында зыян күргән Йолдыз (Эчкен) авылына барып җитте. Гуманитар ярдәмне ирештерү өчен җаваплы булган Бөтендөнья татар конгрессы Башкарма комитеты җитәкчесе урынбасары Разил Зиннәтуллин шул хакта хәбәр итә. 20 тонналы фурада килгән азык-төлек, киемнәр һәм башка кирәк-яраклар авыл халкы ярдәме белән бушатылган.  Авыл халкы зур рәхмәтләрен җиткергән. Матди ярдәм җыю дәвам итә. Зыян күрүчеләргә тиз арада авылны торгызу, төзелеш буенча эшләр башларга кирәк. Шуңа күрә авыл халкына матди ярдәм җыю өчен махсус счет ачылды. Теләге булган һәр кеше, түбәндәге күрсәтмәләргә нигезләнеп, Йолдыз авылы халкына матди ярдәм күрсәтә ала. https://tatar-congress.org/yanalyklar/kazannan-gumanitar-yardem-belen-20-tonnaly-fura-yoldyz-echken-avylyna-baryp-zhitte/