«Болгар радиосы»ннан бәйрәм бүләге!

«Бәйрәм өстенә бәйрәм!» «Болгар радиосы»ның дүртенче ел рәттән республика көнендә яраткан тамашачысын «Пирамида» концертлар залына җыеп, матур концерт үткәрүен башкача атап та булмыйдыр. Шәһәр көнендә казанлыларны һәм кунакларны бәйрәм белән котлау күркәм традициягә әйләнеп бара. Бу - радио тыңлаучылар белән күпер булдыру өчен яхшы алымнарның берсе дияргә дә була. «Болгар радиосы»ның алып баручылары белән якыннан танышу да ни тора бит... Быелгы бәйрәм дә бик үзенчәлекле булып узды.

Башка еллардан үзгә буларак, сәгать 5 тә үк «Пирамида» ишек тәбендә «Риваять» ансамбле халыкны җырлап, биеп, күңел ачып каршылады! «Болгар радиосы» лоторея уйнатып, истәлекле бүләкләр белән тамашачасын сөендерергә уйлаган. Бәйрәм концертында татар эстрадасының бик күп җырчысы чыгыш ясады. Кичке алтыда башланган тамаша өч сәгать ярым дәвам итеп, республика халкын моң дәрьясына урады. Бәйрәм концертында Илдар Хәкимов, Гүзәл Уразова, Айдар Галимов, Ришат Төхвәтуллин, Винера Ганиева, Әнвәр Нургалиев, Рифат Зарипов, Илсөя Бәдретдинова, Нәфкать Нигъмәтуллин, ИлСаф, Азалия Зиннәт, Резидә Шәрәфиева, Асаф Вәлиев, Марат Шайбәков, Винарис Илъегет, Зөфәр Хәйретдинов, Виталий Агапов, Илназ Баһ, Гүзәл Идрисова, Ильмира Нәгыймова, Руслан Кираметдинов, Илнар Миранов, «Казан егетләре», Артур Маузер, Марат Фәйрушин һ.б чыгышларын күрергә насыйп булды.

Тамашачылар концерттан яхшы хис-тойгылар һәм кәеф белән кайтып киттеләр. Бер сүз белән әйткәндә, икеләтә бәйрәм булды! Афәрин, «Болгар радиосы»! Һәрвакыт тамашачың күп, эшләрең уң булсын!

Г.Ярмиева

@bolgarradiosi

Посмотреть эту публикацию в Instagram

Эстраданың популяр артисты Илсөя Бәдретдинова!? @ilsiiabadretdinova #болгаррадиосы

Публикация от "Болгар радиосы" (@bolgarradiosi) 30 Авг 2019 в 2:08 PDT