Буа театры зур гастрольләргә чыга

23 сентябрьдән 26 октябрьгә кадәр Буа театры Оренбургка, Казахстан, Кабардино-Балкария һәм Карачево-Черкесия республикаларына зур гастрольләргә чыга. Бу хакта Татарстан Республикасы Мәдәният министрлыгы сайтында хәбәр ителә.

Башлангыч сыйныфларда укучылар өчен Я.Дрейлих куелышында «Перекресток снов» (авторы Д. Сәлимҗанов) курчак спектакле; 5-11 класс укучыларына А.Чехов хикәяләре буенча Т.Кулова куелышында «В футляре» әсәре тәкъдим ителәчәк. Шулай ук Зөлфәт Хәким пьесасы буенча Фәрит Бикчәнтәев куйган «Килә ява, килә ява...», С.Латыйповның Айрат Зарипов куелышында «Кодалар-кодачалар» комедияләре күрсәтеләчәк.

татар-информ