Буа театрының өч илне берләштергән 35 көнлек гастрольләре дәвам итә

Буа дәүләт театрының өч илне берләштергән 35 көнлек гастрольләре дәвам итә. Бу хакта «Татар-информ»га театр директоры Раил Садриев Казахстаннан хәбәр итте.

«Безнең гастрольләр Волгоградта һәм Әстерханда башланды. Аннары Казахстанга һәм Үзбәкстанга киттек. Ташкентта һәм Сәмаркандта спектакльләр күрсәттек. Кичә Нурсолтанда өч спектаклебез иде. Иртәгә безне Сәмәйдә көтәләр. Петропавлоск һәм Күкчәтау шәһәрләрендә дә спектакльләр билгеләнгән», – диде Раил Садриев.

Автор: Рузилә Мөхәммәтова

татар-информ