Быел Казанда “Үлемсез полк” акциясендә 120 мең кеше катнашу көтелә

9 майда узачак “Үлемсез полк” акциясе турында Гомумроссия иҗтимагый гражданлык-патриотик хәрәкәте төбәк бүлеге рәисе Тимур Халиков сөйләде.

Казан, 28 апрель, “Татар-информ”, Алмаз Шиһабетдинов). Казанда 9 майда “Үлемсез полк” акциясендә 120 мең кеше катнашу көтелә. Бу хакта “Татар-информ”да узган матбугат конференциясендә “Үлемсез полк” Гомумроссия иҗтимагый гражданлык-патриотик хәрәкәте төбәк бүлеге рәисе Тимур Халиков хәбәр итте.

“Без бу чарада 120 мең кеше катнашыр дип уйлыйбыз. Күбрәк кеше килгән очракта да барлык уңайлыклар тудырылган”, - диде Тимур Халиков.

Татарстан Республикасында “Үлемсез полк” акциясендә барлыгы 300 мең кеше катнашу көтелә. Узган ел Россиядә әлеге акциядә катнашучылар саны буенча Татарстан өченче урында булган.

татар-информ