Чыгымнарыбыз кимергә тора!

Динебез дә бүләк бирү хөрмәткә лаек. Бүләк бирүне безгә Пәйгамбәребез (с.г.с.) сөннәт иткән һәм чын күңелдән бүләк бирүче, һичшиксез, Раббысының рәхмәтенә ирешер. «Бүләк бирегез һәм сезнең арада бер-берегезгә карата ихтирам, хөрмәт, ярату хисе туар», – диелә.

Бүләк алу һәрвакыт күңелле дә, әмма үзгәрешләр керергә тора. РИА Новости хәбәр иткәнчә, дәүләт органнары карамагындагы оешмаларда эшләүче теләсә кемгә бер генә бүләкне дә кабул итү рөхсәт ителмәячәк. Хәер, чәчәк һәм каләм ише әйберләр рөхсәт ителә. Бүләк алу очраклары билгеле булса, хезмәткәрне эштән алу чарасы каралырга мөмкин. Димәк, укытучыларыбызны чәчәк бәйләмнәренә күмәбез икән... Бу бүләк укытучының күңеленә хуш килер микән дип, борчылып торасы булмый. Әлеге закон кабул ителгән очракта, энә дә бүләк, дөя дә бүләк дияргә генә кала инде.

Г.Гыймадиева