Данир Сабиров киявен татарча сөйләшергә өйрәтә

Танылган пародия остасы Данир Сабировның ике матур кызы үсеп килә. Артист кызларына хәзердән үк әйбәт кияүләр дә күзләп йөри башлаган. Әнә кечкенә кызы Дания белән парлы биюләргә бергә йөрүче Эльдарны кияү итмәкче Данир.

Кичә Данир Инстаграм аккаунтында кызыклы видео урнаштырды. Эльдарны туган көне белән тәбрикләп котлау сүзләре язган артист: «Кияү-балакайны чын күңелдән тәбриклибез! Бездән – иң матур теләкләр! Ходай насыйп итеп, ул да татарчаны өйрәнеп, мул табыннар артында туган телебездә чөкердәшеп утырырга язсын!» - ди ул.

Ә видеода исә, кечкенә кызы Даниядән «Эльдар кемнеке?», – дип шаярта. Дания ике дә уйламыйча: «Он мой», – дип җавап кайтара.

Эльдарның язмышы хәл ителде бугай монда. Үзе ризадырмы...

Автор: А.Галимова

Фото: Инстаграм @danir_sabirov87

Посмотреть эту публикацию в Instagram

Бүген безнең принц Эльдарның туган көне. Кияү-балакайны ? чын күңелдән тәбриклибез! Бездән - иң матур теләкләр! Ходай насыйп итеп, ул да татарчаны өйрәнеп, мул табыннар артында туган телебездә чөкердәшеп утырырга язсын! Р.S. Бүген кемнең тагы туган көне? #данирсабиров

Публикация от Данир Сабиров (@danir_sabirov87) 12 Мар 2019 в 9:00 PDT