Данир Сабиров кызына күп сөйләмәскә куша

Артистлар тормышы кызыклы вакыйгаларга һәм яңалыкларга бай. Социаль челтәрләрдә алар үзләренең тамашачыларына тормыштагы яңалыкларын даими хәбәр итеп тора.

Шулай Сабировлар гаиләсендә бүген бәйрәм икән – Мәрьям Сабированың туган көне, бүген аңа 9 яшь тулган! Шушы күркәм бәйрәм уңаеннан әтиләре, танылган пародия остасы һәм юморист Данир Сабиров Инстаграм тасмасында беренче кызларын котлап матур теләкләрен җиткергән. Юморист әтидән нәрсә көтәргә була инде – төпле, әмма шул ук вакытта көлкеле котлау сүзләре юллаган әти кеше олы кызына. «Анаң кебек зирәк бул, ләкин күп күрмә. Атаң кебек өлгер бул, ләкин күп сөйләмә», – дип киңәш бирә артист.

Мәрьямне туган көне белән ихластан котлыйбыз! Сәламәтлек, бәхетле киләчәк һәм профессиональ уңышлар телибез!

Автор: А.Галимова

Фото: Инстаграм @danir_sabirov87