Дилә Нигъмәтуллина белән Марат Мухин янә бергә?!

Бу парның кушылуын күпләр көтәләр, ахрысы. Кичәге фотосурәттән соң бу хәбәрне күпләрнең ишетәсе килә.

Сүз җырчы Дилә Нигъмәтуллина инстаграмындагы фото хакында бара. Биредә элеккеге пар аркаларын терәп төшкән. Фото астында парның бергә булуын теләүчеләрнең комментарийлары пәйда булды. «Бергә генә булсагыз ярар иде, ярабби. Балагыз ятим булмас иде. Мин сезнең өчен бик борчылам. Гел сорыйм Аллаха тәгаләдән», «Шундый матур пар бит сез», «Мин дә сезнең бергә булуыгызны телим! Кызыгыз да бик матур!», «Бер-берегезгә бик килешеп торасыз» – дигән сүзләр укып була.

Ләкин Дилә моңа аптырап тормый. Бу хакта үз фикерен белдерде: «Рәхмәт, әлбәттә, борчылганыгыз өчен, әмма сезнең Аллахы тәгаләдән аны сорарга хакыгыз юктыр дип беләм», диде ул.

Безгә калса, алар нәрсә эшләргә кирәклеген үзләре хәл итәрләр. Без бары тик икесенә дә иҗади уңышлар теләп калабыз!

Автор: Г. Вәлиева

Фото: Инстаграм @dilyanig

Посмотреть эту публикацию в Instagram

Браво, маэстро!!! #самыйлучший #маэстромаратмухин #маратмухин #творческийвечер #маратмухиниҗаткичәсе @maratmuhin

Публикация от Диля Нигматуллина (@dilyanig) 18 Сен 2019 в 11:00 PDT