Дилә Нигъмәтуллина хатын кызының бәхете хакында

Дилә Нигъмәтуллина 2002 елларда танылган җырчы. Җырчыларның күбесе кечкенә чактан ук җырчы булырга хыяллана. Диләдә исә әлеге хыял булмый. Марий Элның Бәрәңге районында туган кыз, мәктәпне тәмамлагач, Йошкар-Олада икътисадчы булырга укый. Ләкин язмышында очраган кешеләр аны сәнгать, иҗат юлына кертә. «Татар-информ» журналистына интервьюсында Дилә Нигъмәтуллина язмышны үзгәрткән кешеләр, сәхнә тормышы һәм гаиләсе турында сөйләде. 

- Син хатын-кыз буларак бәхетлеме соң?

- Кешенең бәхетле яисә бәхетсез булуы кияүдә булуыннан тормый. «Менә мин аңа кияүгә чыксам, бәхетле булыр идем», - диләр. Кеше аркасында бәхетле булырга кирәкми. Кияүдә булуың яисә булмавың синең бәхетле булуыңа тәэсир итми. Ялгыз яшәгән күпме бик бәхетле хатын-кызлар бар. Шулай ук гаиләдәге бик бәхетсез хатыннарны да беләм. Бер ир белән яшәп, икенче ир белән йоклап йөрүчеләр дә бар. Әле ул хатынның ире дә белә. Алар үзара шулай килешкәннәр. Бәхетле булу бары тик үз-үзеңнән генә тора.

Фото: Инстаграм @dilyanig

 Бу хакта тулырак: Интертат