Гөлназ Асаева үзенә яңа исем алган

Популяр җырчы Гөлназ Асаева сәхнә исемен тәкъдим итте. Хәзер ул — Джаннат, ягъни Җәннәт буларак чыгыш ясаячак. Моның барысы да юктан гына чыкмаган, билгеле. Җырчыны Мәскәүгә чакырганнар. Ул хәзер татарча һәм башкортча гына түгел, рус телендә дә җырлаячак.

“Мәскәү продюсеры белән өч елга килешү төзедек. Ул русча акцент белән җырлавымны да, тышкы кыяфәтемне дә ошаткан. Мине шәрык кызы образында күрүен белдерде. Шул сәбәпле, чәчемне яңадан кара төскә буярга туры килде. Беренче иҗат җимешебез — “Украду” исемле җыр. Тиздән Казахстанда диск яздырырга җыенабыз”, — дип сөйләгән tmtv-onlineга Гөлназ Асаева.

Матбугат.ру