Гөлсирин сездән сораулар көтә

Журналыбызда күптән түгел башланып киткән «Йолдыз сере» рубрикасы укучылар арасында шактый кызыксыну уятты. Чираттагы кунагыбыз ‒ татар эстрадасының моңлы сандугачы, Р.Ваһапов исемендәге Халыкара татар җыры фестивале лауреаты Гөлсирин Абдуллина.

Әлеге рубриканың төп үзенчәлеге – артистның яраткан тамашачылары белән турыдан-туры элемтәсе! Дуслар, шул уңайдан без сезгә уникаль мөмкинлек тәкъдим итәбез: Гөлсириннең тормышы һәм иҗатына кагылышлы сорауларыгызны аста комментарийларга языгыз, җавапларны журналыбызның апрель санында укый алырсыз.

Башладык!