Иннополиста информатика буенча Европа күләмендәге олимпиада узачак

Юниорлар өчен информатика буенча II Европа олимпиадасы Иннополис университетында 26-31 июль көннәрендә узачак. Бу хакта “Интерфакс” университетның матбугат хезмәтенә сылтама белән хәбәр итә.

Ярышларга 15 яшькә кадәрге 80 яшь программист 20 илдән: Әрмәнстан, Азәрбайҗан, Бельгия, Босния һәм Герцеговинадан, Болгария, Венгрия, Греция, Кипр, Латвия, Литва, Македония, Молдавия, Польша, Румыния, Сербия, Словения, Финляндия, Франция, Хорватия һәм Эстониядән килә.

Россияне быел берьюлы ике команда тәкъдим итәчәк. Мәскәүдән, Санкт-Петербургтан һәм Липецк өлкәләреннән катнашучыларны мәктәп укучыларының информатика буенча Бөтенроссия олимпиадасы һәм өстәмә сайлап алу турлары нәтиҗәләре буенча туплаганнар.

Һәр командада - дүрт юниор һәм ике җитәкче. EJOI олимпиадасы программасында бер сынап карау һәм ике төп тур каралган. Мәктәп укучылары биремнәрне C++ и Java телләрендә башкара.

Узган ел Болгариядә информатика буенча Европа олимпиадасында Россия мәктәп укучылары бик уңышлы чыгыш ясаган, алар өч алтын һәм бер көмеш медаль яулаган. 

татар-информ

Фото: Ильнар Тухбатов/архив