Исламия Мәхмүтованың тууына 80 ел

Республикабызның күренекле сәнгать әһелләре истәлекләре белән уртаклашачак.

🎭 7 декабрь 18:30 сәгатьтә Кәрим Тинчурин исемендәге Татар дәүләт драма һәм комедия театрында РСФСРның атказанган, Татарстанның халык артисткасы Исламия Мәхмүтованың тууына 80 ел тулу уңаеннан искә алу кичәсе-концерт узачак.

🎭 Татар театр сәнгатенең якты йолдызы Исламия Мәхмүтованың тормыш һәм иҗат юлын үзенчәлекле форматта яктырткан әлеге кичәдә тамашачылар ул уйнаган спектакльләрдән видеоязмалар күрә, җырлар тыңлый алачак. Республикабызның күренекле сәнгать әһелләре исә легендар артистка турындагы истәлекләре белән бүлешәчәк.

Фото: К.Тинчурин театры телеграм-каналы

Следите за самым важным и интересным в Telegram-каналеТатмедиа