Кабан күле яр буенда сәламәт яшәү рәвешен пропагандалау буенча флешмоб узачак

24 апрельдә Казанның Кабан күле яр буенда халыкның сәламәт яшәү рәвеше белән кызыксынуын арттыруга багышланган флешмоб узачак. Казанлыларны уеннар, конкурслар һәм башка күңел ачу чаралары көтә. Шулай ук артериаль кан басымын һәм холестерин дәрәҗәсен бушлай тикшертергә мөмкинлек булачак.

Моннан тыш, шәһәр халкы дәвалау физкультурасы элементлары белән биюләр өйрәнә һәм скандинавия йөреше буенча мастер-класста катнаша алачак.

Автор: Александра Иванова

Фото: Город Казань KZN.RU