Кариев театрын тифлокомментарийлы беренче татарча спектакль тәкъдим итә
2018 елның 20 маенда Г.Кариев исемендәге Казан Татар яшь тамашачы театрында начар күрә торган кешеләргә һәм күзләре күрмәүчеләргә тифлокомментарий бирү юлы белән спектакль күрсәтеләчәк. Бер үк вакытта...
2018 елның 20 маенда Г.Кариев исемендәге Казан Татар яшь тамашачы театрында начар күрә торган кешеләргә һәм күзләре күрмәүчеләргә тифлокомментарий бирү юлы белән спектакль күрсәтеләчәк. Бер үк вакытта сурдотәрҗемә белән дә тәэмин ителү була. Тифлокомментарийлы беренче татарча спектакль итеп “Куян Эдвардның гаҗәеп сәяхәте” (К.Дикамилло) сайланды. Бу әкият балалар өчен булса да, гаилә форматында эшләнгән сәхнә әсәре. Башлану вакыты – 14.00 (Петербург урамы, 55б йорты).
Әлеге проект татар телендә тифлокомментарий бирүнең беренче тәҗрибәсе булып тора. Ә бу үз чиратында Татарстанда әлеге юнәлешнең үсешенә мөһим адым.
Проект Алишер Усмановның “Яңа караш” хәйрия фонды программасы кысаларында «Татар-информ» мәгълүмат агентлыгы ярдәмендә тормышка ашырыла.
Тифлокомментарий бирү – ул күз күрүе начар булган кешеләргә предмет, тирәлек яисә хәрәкәтне сүзсез лаконик рәвештә тасвирлап бирү процессы. Сукыр кеше тифлокомментатор ярдәмендә үзе күрмәгән визуаль образларны һәм хәрәкәтләрне аңлый ала.
Тифлокомментарий бирү кебек яңа социаль хезмәт күрсәтү үзенчәлекле күз күремле кешеләргә мәдәни һәм иҗтимагый тормышта катнашу, алар өчен яраклы форматларда мәдәнияткә якынаерга һәм булган мәгълүмати каршылыкларны үтәргә ярдәм итә.
Билетлар сатуда!
Фото - Рәмис Нәҗмиев
Следите за самым важным и интересным в Telegram-каналеТатмедиа
-
«Ай булмаса, йолдыз бар» сериалын төшерә башладылар!
-
Габдулла - яктылык! Татар театрының атасы Габдулла Кариевның туган авылына сәяхәт
-
Мәдәни күпер салучы. Каюм Насыйри тууга 200 ел!
-
Казан Яшь тамашачылар театры 92нче театраль сезонын тәмамлады
-
Камал театрында «Гөргөри кияүләре» спектакле 600 нче тапкыр уйналды һәм 119 нчы сезон ябылды!
-
Камал театры 119 нчы театраль сезонны яңа бинада япты!
-
Казанда беренче тапкыр «Алтын битлек» театр премиясен тапшыру тантанасы узды!
-
«Алтын битлек» премиясе Казанда!
Комментарий юк