Кариев театрыннан өр-яңа бәйге!

Габдулла Кариев исемендәге Казан Татар дәүләт яшь тамашачы театры үз стилен уйлап табу буенча бәйге игълан итә! Тамашачылардан театрның яңа брендына үзенә генә хас шрифт, төсләр, билгеләр буенча тәкъдимнәр көтелә.

Конкурсның максаты – символиканы формалаштыруда яңа алымнар эзләү, Кариев театрының бердәм яңа стилен булдыру.

Конкурс профессиональ белем бирү уку йортларында укучы студентлар арасында 2 турда үткәрелә.

I турда эшләр уку йортының бәйге комиссиясе тарафыннан сайлап алына.

Конкурсның II турына индивидуаль хезмәтләр дә, иҗади коллективлар белән бергә башкарылганнары да кабул ителә. Катнашучылар берничә иҗади эш тәкъдим итә ала.

Конкурс 2018 елның 20нче сентябреннән 30нчы ноябренә кадәр дәвам итәчәк. Эшләр 2018 елның 28нче ноябренә кадәр tatar.tyuz@tatar.ru адресы буенча кабул ителә.

Бәйгенең нигезләмәсен karievteatr.ru сайтыннан алырга мөмкин.

Белешмәләр өчен телефон – 89872356688.

Фото – Театрның шәхси архивыннан